مرحبا أيها الزائر / ة في منتديات العريب
في حالة رغبتك في الأنضمام
إلى أسرة المنتدى الرجـاء منك التسجيل

مع تحيات الشاعر نايف العُمري
المدير العام لمنتديات العريب



 
الرئيسيةالبوابةس .و .جبحـثالأعضاءالمجموعاتالتسجيلدخول
         
 
        

يا أعضاء المنتدى نرجوا منكم الاجتماع هنا في المنتدى على الشات في الساعة 2 صباحا نرجوا تواجدكم

شاطر | 
 

 محاورة بين العُمري وسيف العضياني..

اذهب الى الأسفل 
كاتب الموضوعرسالة
منتديات العريب.
الجهة المسؤولة عن أقسام المنتدى
avatar

البلد / المدينة : الممملكة العربية السعودية - الرياض
تاريخ التسجيل : 02/08/2009
عدد المساهمات : 34
نقاطي : 104

مُساهمةموضوع: محاورة بين العُمري وسيف العضياني..   الأحد أغسطس 02, 2009 10:04 am

بسم الله الرحمن الرحيم

هذه محاورة أخوية موالية بين الشاعر نايف العُمري وبين الشاعرسيف بن مسعد بن عطا الله العضياني من الروقة من قبيلة عتيبة ويبدأها :



العُمري:

يالله تزهب يا أبو ياســر نبي ردك ***** لا لاتـهـرّب تـرى نـايـف هـنا حـدك

ياوارث(ن)من أبوك الطيب مع جدك ***** والراس مرفوع والرايات مرفووعة



ياسيف معنا علم يسر راعيه **** علم(ن) يسرك ياسمي الحسامي


العضياني:

يـــا مرحبا بالــــرفيق الغالي بعيني ***** والطيب خصلة تجي ما بينك وبيني

ما من هـرب مار خلّ الشين للزيني***** والــراس مرفوع والرايات مرفوعة



علم (ن)عساه بشاره لكل واعيه **** هـاتـه وجعـله خير جعله سلامي


العُمري:

ياراعي الهيلا ترى لك قدر فـوق ***** قدر(ن) يعمك يا أبو ياسر يعم روق

ذيبان ياسيف مار ترفع لنا سوق **** والراس مرفوع والرايات مرفوعة



تشهد لك القيفان والطيب تجنيه ***** عـلـمي ترى ياسيف بأول كلامي


العضياني:

يا نـايف الوزن خلّه ثابـت بخـطّـه ***** لا يخـتـلف وزن طرقك والوزن حطّه

حطّه مكانه ولا يمشي كما البطّـه ***** والراس مرفوع والرايات مرفــوعة



أنت أوزن الطرق وتنق بمعانيه **** واحذر تنقّد في كلام الحشامـي



العُمري:

ياسيف طرقي بوزنه وأنت ماتدري ***** ودك تـهــزى بــدري ياولــد بـدري

إن كان ذا قصـدك فيا وسع صدري ***** والراس مرفوع والرايات مرفوعة



حـذرا تـبـدَّل مـع مـبـدل مبـاديـه ***** إلى البدو قامـت بطي الخيامي


العضياني:

يا نايف الطـرق نـــدري بـه وتدريبـه ***** ما هو على كيف كيفك دون تهذيبـه

ومن عقب هذي ترى الوادي أنا ذيبه ***** والراس مرفوع والرايات مرفوعـة



ماني على ما قلت مبداي ناسيه ***** مبدأ جدودي فوق متني وسامي


العُمري:

ياسيف نـاوي على قـافي تبي اتلافـه **** طرقي صويب(ن) وزنه مع وزن قافه

العــيب ياسـيف هـو بـرتبـة أصـفـافه **** والـراس مرفـوع والرايـات مـرفـوعـة



أنا مع اللي لا سما، من مساويـه ***** ما أقول جــدي لو فعـلي حـطـامي


العضياني:

مــاني بـنـاوي على صاحب لنا غالي ***** لــكــنّ واقـعـك يا نـايـف يـبـى التـالي

شف مر عـلقـم تشوف المر لك حالي ***** والـراس مـرفـوع والرايات مرفـوعـة



وأنا من اللي لا اعتزا من عزاويه ***** يـقـبـل لي الـنـور ويـجـلّ الـظلامي


العُمري:

ياسيف ربعي قريش وربعي القصمان **** نـفز ونفزع إلى من جولنا ضيفـان

وأنتـم تـرى عـتيبة طـويلـيـن الأيمـان **** والراس مرفوع والرايات مرفوعة



ياسيف تدري علمنا وش تاليه؟ **** قروم مثلك هي غـاية مرامـي


العضياني:

والنعم فيكم رجال الدين والنوماس **** والكـل يشهد لكم منزال بين الناس

وحنا سمعنا بكم والحبر فالقرطاس **** والراس مرفوع والرايات مرفوعة



القرم قرم ولا ننقّص دعـاويـه **** من دون شك انتم قروم وكرامي


العُمري:

ياسـيف ربعــك قـروم(ن) تـذبح الـحايل ***** ديـن وكرامة لـك الله والحكي طـايل

علم(ن) عظيم(ن) مع الدنيا ماهو بزايل **** والـراس مرفوع والرايـات مرفوعة



مال الرجل ياسيف يزعل بني خيه **** وش قيمـته بليـَّا عـيال العمامي


العضياني:

يا نايف عتيبه بلا شـك مغتنيـه ***** عن ما تقول العرب يا صاح منبنيه

لكنّ مقبوله ولـو جـات منحـنيـه ***** والراس مرفوع والرايات مرفوعة



الله يرضّـي كـل وافـي لـوافــيـه ***** والعـزوة العزوة ولا انته تلامي


العُمري:

ياسيف لو تغتني عـتيبة فلا يمنع ***** نذكر أمور(ن) لها الهيلا ترى تصنع

و مدري علامك مار اليوم ما تقنع ***** والراس مرفـوع والرايات مرفـوعـة



مداح ربعه ما لمدحه دواعيه ***** ولو هو ابن هذال وإلا الزلامي


العضياني:

لن جات منكم زياده شيّ ينفعنـا ***** فالاحتياط إن حصل مكروه يرفعنا

جـتنا وراثـه فلا شريــه ولا بــعــنـا ***** والراس مرفوع والرايات مرفوعة



يشهد لنا التاريخ وانشد رواويه ***** وانشد جدودك يا عريب الأسامي



العُمري:

وصلاة ربي عــد وبل الغــمــامي ***** عـلى نبـي الـلـه خـيـر الأنـامـي

وتاريخــنـا معروف تاج و وسامي ***** والراس مرفوع والرايات مرفوعة



ماني على الفايت كثير المشاريه ******* ثرنا بها ياخوك والخطب حامي

تحياتنا / منتديات العريب..


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اسير السكون
نائب المدير العام لمنتديات العريب
avatar

العمر : 26
البلد / المدينة : المملكة العربية السعودية - الرياض
الجنس : ذكر تاريخ التسجيل : 02/08/2009
عدد المساهمات : 758
نقاطي : 667

مُساهمةموضوع: رد: محاورة بين العُمري وسيف العضياني..   الثلاثاء أغسطس 04, 2009 10:25 am

رديه جزله ..... من شعراء اجزل.....


وننتظر جديدك من الابداع ....

اسيروووه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أتعبني حبكـ
عضو فعال


البلد / المدينة : X× مـملكة الأحزآن ×X
الجنس : انثى تاريخ التسجيل : 02/08/2009
عدد المساهمات : 335
نقاطي : 390

مُساهمةموضوع: رد: محاورة بين العُمري وسيف العضياني..   السبت أغسطس 08, 2009 5:40 am

يسلمووو قصيــدهـ خيـآليه وجوونـآن بصرآحه

بس لآحظت بقصآيدك اذا كانت محاورهـ دوم انت تنهيها

يعني في سبب معين ولا تجي صدفه واذا كان فيه سبب

ياليت تخبرنا << تعرف الفضول مسيطر ^^

أنتظر ردكـ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نايف العُمري
المدير العام لمنتديات العريب
avatar

البلد / المدينة : المملكة العربية السعودية - الرياض
الجنس : ذكر تاريخ التسجيل : 30/07/2009
عدد المساهمات : 202
نقاطي : 216

مُساهمةموضوع: رد: محاورة بين العُمري وسيف العضياني..   السبت أغسطس 08, 2009 5:45 am

أشكر مرورك الراقي ............

بصراحة سؤالكـ ؟؟؟؟؟؟؟؟؟؟

والله أود إذا بدأت المحاورة أن أنهيها عدا محاورتي مع ريم الشمري........


أشكرك من كل قلبي.........

أخوك/ نايف العُمري.........

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://al3reeb.yoo7.com
أتعبني حبكـ
عضو فعال


البلد / المدينة : X× مـملكة الأحزآن ×X
الجنس : انثى تاريخ التسجيل : 02/08/2009
عدد المساهمات : 335
نقاطي : 390

مُساهمةموضوع: رد: محاورة بين العُمري وسيف العضياني..   السبت أغسطس 08, 2009 6:09 am

لا شكر على واجب
بالعكس يشرفني وجودي في صفحآتك
ويسلمووو ع الإجابه وأتمنى إني ماتدخلت بخصوصياتكـ
أنتظر جديدكـ المميز والشيق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نايف العُمري
المدير العام لمنتديات العريب
avatar

البلد / المدينة : المملكة العربية السعودية - الرياض
الجنس : ذكر تاريخ التسجيل : 30/07/2009
عدد المساهمات : 202
نقاطي : 216

مُساهمةموضوع: رد: محاورة بين العُمري وسيف العضياني..   السبت أغسطس 08, 2009 6:18 am

لا بالعكس شي يشرفني..................

أخوك/ نايف العُمري.....

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://al3reeb.yoo7.com
جروح القلب
عضو فعال
avatar

العمر : 25
البلد / المدينة : المملكة العربيه السعوديه_الشرقيه
الجنس : انثى تاريخ التسجيل : 02/08/2009
عدد المساهمات : 226
نقاطي : 235

مُساهمةموضوع: رد: محاورة بين العُمري وسيف العضياني..   الأربعاء أغسطس 12, 2009 6:42 am

سلمت اناملك على الطرح الراائع ..


حروفك مليئة بالمشاعر ...


وتنبض احساسا ..

كل الود لقلبك غاليتي ...

تحياتي الك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نايف العُمري
المدير العام لمنتديات العريب
avatar

البلد / المدينة : المملكة العربية السعودية - الرياض
الجنس : ذكر تاريخ التسجيل : 30/07/2009
عدد المساهمات : 202
نقاطي : 216

مُساهمةموضوع: رد: محاورة بين العُمري وسيف العضياني..   الجمعة أغسطس 21, 2009 6:43 pm

أنتم راقين دوماً في ردودكـم ..........

دمتم بخير و ود ولكم تقديري..............

أخوكم/ نايف العُمري........

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://al3reeb.yoo7.com
 
محاورة بين العُمري وسيف العضياني..
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ديوانية العريب :: ديوانية الشاعر نايف بن عبد الله بن عبد الرحمن العُمري (العريب) :: الرديات والمحاورات-
انتقل الى: